Fidantiamento

Le fidantiamento esse un periodo de tempore que vade desde un persona propone a su amante de maritar se usque illes marita se vermente. Dum iste phase, il habe normalmente un proposition de maritage que duce le copula a establir un data de nuptias. Quando duo personas esse fidantiate, illes es appellate ‘fidantiatos’. De costume, le tempore que preteri desde le proposition usque le nuptias effective va cambiar ab situation a situation, e illo depende supertoto sur le normas cultural del societate ubi le duo fidantiatos vive.

Un vice, fidantiamentos longissime esseva commun in maritages arrangiate, in le quales le genitores del duo fidantiatos velle conjunger les quamquam istes esseva solo infantes vel, mesmo, tamben ante lor nascentia.^[1] Iste costume etiam proseque in plure paises del mundo usque hodie. Historicamente, le fidantiamentos inter duo personas esseva affaires socialmente importante que attraheva le attention del membros del familias del duo fidantiatos pro succeder in negotiar los e organisar los. Ergo, le selection de quem maritar esseva alique que pertineva al duo fidantiatos solo occasionalmente.^[2]

In plure denominationes christian on etiam pote facer ritos de fidantiamento, in le quales on exprime le intention de maritar se in ecclesia ante un prestre e recipe un parve benediction.^[3]

• Cortesamento
• Maritage