Ричард Страусс

Ричард Страусс (1864.11.6 — Мюнхен — 1949.8.9, ГармишПартенкирхен, Мюнхен яқинида) — немис композитори ва дирижёр. 1885-йилдан Германия ва Австрия симфоник ва опера оркестрларида ишлаб дирижёр сифатида танилган; балетлар, 2 симфония, фантазия ("Италиядан", 1886), симфоник поэмалар ("Дон Жуан", 1888; "Қаҳрамон ҳаёти", 1898 ва бошқалар), вариация, консертлар, камер чолғу асарлар, хорлар, қўшиқлар ва бошқалар муаллифи. Кенг кўламли Ш. ижоди гармония ва оркестр бўёкларининг рангбаранглиги, мавзуларининг ўзига хослиги билан ажралиб туради. Айниқса, симфоник поэмалари машҳур. Уларда Ф. Лист ва Г.Берлиознинг дастурли симфонизм анъаналарини, шунингдек, Р. Вагнернинг оркестрлашдаги ютуқларини ривожлантирган. Асарларида экспрессионизм, неоклассицизм, Ф. Ницше фалсафаси (хусусан, "Зардушт таваллоси" симфоник поэмаси, 1896) таъсири бор. Ш. ижоди 20-аср Европа мусиқасига катта таъсир кўрсатган. Энг яхши асарларига ҳаётбахшлиги, инсонпарварлик, гўзалликни тараннум этиши хос. Гейделберг, Оксфорд ва Мюнхен унтлари фахрий доктори. Берлин ва Вена Санъат академиялари аъзоси.

Ушбу мақолада Ўзбекистон миллий энсиклопедияси (2000-2005) маълумотларидан фойдаланилган.

Ушбу мақола чаладир. Сиз уни бойитиб, Википедияга ёрдам беришингиз мумкин. к м т Бу андозани аниқроғига алмаштириш керак.